Disa serbë janë mbledhur në Manastirin e Draganacit, afër Gjilanit, dhe kanë kënduar këngë çetnike.
Pamjet janë të këtyre ditëve dhe në to ata dëgjohen duke kënduar këngën çetnike “Djenerale, nek je tvojoj majci hvala”, që i bie “Gjeneral, i falenderohemi nënës tënde që të lindi…”. Kjo është këngë nacionaliste serbe, e përdorur edhe për motivim të paramilitarëve serbë në Kosovë e Bosnjë për të kryer krime të luftës, shkruan Gazeta Online Reporteri.net.
Aty shihen duke kënduar dy fëmijë, por që shoqërohen në këndim edhe nga të rriturit që janë mbledhur përreth tyre dhe i duartrokasin.
