Besim Aliu nga Instituti Hidrometeorologjik i Kosovës ka thënë se temperaturat minimale gjatë ditës së sotme kanë lëvizur nga 12 deri në 13 gradë celsius, ndërkaq maksimalet nga 22 deri në 24 gradë celsius.
Sipas tij, edhe gjatë javës nuk do të ketë ndryshime të temperaturave.
Ka shtuar se dita e premte do të jetë dita më e nxehtë e kësaj jave.
“Sot priten vranësira ku pritet të shoqërohen me reshje shiu. Temperaturat gjatë javës do të lëvizin nën 30 gradë”, ka thënë ai.
Aliu ka thënë se këto temperatura nuk do të jenë edhe në shtetet fqinje, pasi atje pritet të ketë temperatura më të larta./Koha
