Lecce ka njoftuar se ka transferuar zyrtarisht Ylber Ramadanin nga Aberdeen.
Lojtari shqiptar ka nënshkruar kontratë trevjeçare, me një vit tjetër shtesë.
“Lecce njofton se ka fituar përfundimisht të drejtat e regjistrimit të lojtarit Ylber Ramadani nga Aberdeen FC”, thuhet fillimisht në njoftimin e tyre.
“Mesfushori i lindur në vitin 1996 i kombëtares shqiptare, i cili tashmë ka kryer ekzaminimet mjekësore, ka nënshkruar një marrëveshje trevjeçare me opsion për atë të radhës”.
Aberdeen nuk ka zbuluar shumën e transferimit, derisa i ka uruar Ramadanit suksese në aventurën e re.
