Presidentja e Republikës së Kosovës, Vjosa Osmani ka nënshkruar Ligjin për Edukimin në Fëmijërinë e Hershme.
Osmani është shprehur e lumtur për nënshkrimin e këtij ligji, teksa ka vlerësuar se ky është një një hap i rëndësishëm drejt forcimit të sistemit arsimor.
“E lumtur që nënshkrova Ligjin për Edukimin në Fëmijërinë e Hershme, një hap i rëndësishëm drejt forcimit të sistemit tonë arsimor. Sa më shumë kohë kalojnë fëmijët në arsim parashkollor, aq më produktiv bëhen ata si të rritur. Përgëzoj Ministrinë e Arsimit për punën e saj në këtë ligj të rëndësishëm”, ka shkruar presidentja Osmani në Facebook.
