IndeksOnline me burimet brenda policisë dje raportoj për të shtëna me armë zjarri në dy klube të natës, njëri nga ta në Gjilan.
Policia në raportin 24-orësh ka konfirmuar rastin duke dhënë detaje.
Aty thuhet se në oborrin e një diskoteke në Gjilan, një person i moshës 20 vjeçare ishte afruar tek hyrja e diskotekës dhe kishte shtënë me armë zjarri ne drejtim të ankuesve, ku gjithashtu i dyshuari kishte hedhur edhe një granatë dore e cila nuk kishte shpërthyer.
Njësitet policore gjatë bastisjes në shtëpinë e të dyshuarit kishin gjetur dhe sekuestruar tri armë gjuetie, një pistoletë dhe 16- copë fishekë cal-9×19 mm, në pronësi të prindit të dyshuarit, ndërsa është konfiskuar edhe një pistoletë e tipit TT, e cila dyshohet të jetë përdorur në rast.
I dyshuari është arrestuar dhe pas intervistimit, me urdhër të prokurorit është dërguar në mbajtje.
‘’Rr. Kamenicës, Gjilan 28.07.2023 – 00:30. Njësitë policore kanë pranuar informacionin se në oborrin e një diskoteke ka të shtëna me armë zjarri. Sipas dy ankuesve-punëtor sigurimi në diskotekë, një person i moshës rreth 20 vjeçare ishte afruar afër hyrjes se diskotekës dhe kishte shtënë me armë zjarri ne drejtim të ankuesve, gjithashtu i dyshuari kishte hedhur edhe një granatë dore e cila nuk ka shpërthyer. Nga të shtënat me armë zjarri është dëmtuar një automjet i cili ishte i parkuar ndërsa të lënduar nuk ka. Njësiti për deminim i policisë ka asgjësuar granatën e dorës pa ndonjë incident. Në koordinim me Prokurorinë Themelore në Gjilan, njësitet policore gjatë bastisjes në shtëpinë e të dyshuarit kosovar kanë gjetur e sekuestruar: tri armë gjuetie, një pistoletë dhe 16- copë fishekë cal-9×19 mm, në pronësi të prindit të dyshuarit, ndërsa është konfiskuar edhe një pistoletë e tipit TT, e cila dyshohet të jetë përdorur në rast. I dyshuari është arrestuar dhe pas intervistimit, me urdhër të prokurorit është dërguar në mbajtje.’’ Thuhet në raportin e policisë.
