Zëvendëskryeministri i Kosovës, Besnik Bislimi ka reaguar rreth një pankarte nga tifozët serb të shfaqur në një ndeshje miqësore mes Crvena Zvezdes dhe klubit italian, Fiorentina.
Pankarta nacionaliste e ultasve serbë kishte të bënte me një shkrim, ku thuhej: “Kur do të kthehet ushtria në Kosovë”.
Sipas Bislimit, e gjithë kjo ndodhi derisa presidenti serb, Aleksander Vuçiq ishte i pranishëm dhe i gjithë aparati shtetëror është ndërtuar në Serbi për median, sportin, artin, kulturën, shkencën, që të përdoren për mjete propagandistike për të nxitur dhunë.
Bislimi shton se Vuçiqi ka nevojë për akte të tilla për të ushqyer urrejtjen dhe nacionalizmin etnik në opinionin publik.
