Nënkryetarja e Partisë Demokratike të Kosovës, Vlora Çitaku ka kritikuar zëvendëskryeministrin e Kosovës, Besnik Bislimi i cili ka thënë se në veri nuk mund të ketë zgjedhje pa u hequr masat ndëshkuese të Bashkimit Evropian.
“Çfarë motive keni? A keni ambicije për Republikën e Kosovës? A doni ta kemi Kosovën anëtare të BE?”, ka pyetur Çitaku – Bislimin.
Më tutje, ajo ka thënë se qeveria është “për keqardhje” dhe “qesharak”.
Çitaku ka deklaruar se nuk do të lejohet rrezikimi i Kosovës dhe ka bërë thirrje që rekomandimet të merren seriozisht.
Ky është postimi i plotë:
Pra, Qeveria e Kosovës përmes ZVKM Bislimi i paska vënë kushte Bashkimit Evropian dhe Amerikës. Bravo 
Sinqerisht, në cilin cilin planet jetoni? Çfarë motive keni? A keni ambicije për Republikën e Kosovës? A doni ta kemi Kosovën anëtare të BE?
Jeni për keqardhje. Qe besa edhe qesharak, sikur mos të mbanit petkun zyrtar mbi supe.
Kush po mendoni që jeni? A po mendoni që e doni Kosovën më shumë se ne?!
Nuk do t’ju lejojmë që ta rrezikoni të ardhen e vendit tonë.
Në këtë fundjavë në Kosovë do të qëndrojnë disa zyrtarë të lartë nga SHBA. Mos u tallni. Merrni rekomandimet seriozisht.
Qeverisja nuk është lojë fëmijësh, e as kupon për të kompenzuar deficiet tuaja historike
