Lionel Messi mund të bëhet shumë lehtë golashënuesi më i mirë në historinë e Inter Miamit.
Gonzalo Higuain është futbollisti që e mban këtë rekord me 29 gola.
E shtatë herë fituesi i Topit të Artë veçse e ka hapur llogarinë e golave te klubi i tij i ri.
Messi shënoi në debutim me Inter Miamin në Kupën e Ligës ndaj Cruz Azul nga gjuajtja e lirë.
Argjentinasi tashmë mban rekordin për më së shumti gola me Barcelonën dhe Argjentinën dhe të njëjtën gjë do të kërkojë ta bëjë edhe me ekipin nga Shtetet e Bashkuara të Amerikës.
