Në zyre i shkoi vetëm Kadri Veselit, kryetarit të Kuvendit të Kosovës, por jo edhe presidentit Hashim Thaçin, të cilën e takoi në një restorant të kryeqytetit.
Në rezidencën e ambasadorit Greg Delawie, Hoyt Brian Yee-s i shkuan të gjithë ata që i kishte ftuar, bile kryetari i VV-së, Visar Ymeri kishte venë edhe kravatë dje, që zakonisht nuk e bënë, shkruan lajmi.net.
Në rezidencën amerikane ishin edhe dy deputetë të LDK-së, Vjosa Osmani e Anton Quni, Elmi Reçica i PDK-së, Rrustem Berisha i AAK-së, Ilir Deda deputet i Alternativës, etj. Megjithatë, fotografi në Facebook nuk postuan ndonjë deputet i Nismës për Kosovën, duke lënë dyshime nëse ishin të ftuar apo jo.
Hoyt Brian Yee i takoi edhe krerët e Listës Serbe, prandaj mesazhet e përgjithshëm nga kjo vizitë në vendin tonë ishin të qarta: Ushtria vetëm me Kushtetutë, Demarkacioni duhet të kalojë së më shpejt dhe kosovarët rë lëvizin të lirë, Asociacioni i komunave me shumicë serbe të fillojë punën duke nisur fillimisht me hartimin e statutit, luftimi i korrupsionit dhe krimit të organizuar, si dhe mbajtja e zgjedhjeve sipas orarit kushtetues, pra në vitin 2018.
