Komuna e Prishtinës ka njoftuar se nga muaji gusht do të fillojë zbatimi i masave ndëshkuese për të gjitha lokalet që nuk respektojnë decibelët e lejuar për nivelin e zërit të muzikës.
Një paralajmërim i tillë ndodhi pas takimit të mbajtur mes drejtorisë së Inspekcionit, zyrtarëve të kryeqytetit dhe anëtarëve të Shoqatës së Gastronomëve.
Në njoftimin e komunës u tha se gjatë takimit u diskutua për zbatimin e rregullores për ndotjen akustike.
“Sot u mbajt takim i frytshëm në mes Drejtorisë së Inspeksionit, zyrtarëve të #Kryeqytetit dhe anëtarëve të Shoqatës së Gastronomëve, ku kanë diskutuar për zbatimin sa më të lehtë dhe të mirë të rregullores për ndotjen akustike”, thuhet në kumtesës e Komunës.
