Tensionet e rritura në Kosovë prej javësh, kulmuan ne Kuvendin e Kosovës. Ndodhi përplasja ndërmjet deputetëve të opozitës me minstrat e Qeverisë Kurti dhe deputetët e Lëvizjes Vetvendosje.
Prokuroria tha se ka nisur hetimet.
Kadri Kryeziu, ish-anëtar i Gjykatës Kushtetuese të Kosovës tha se imunitet penal s’ka as kryeministri, as ministri dhe Policia ka të drejtë të hyjë në seancë t’i arrestojë.
“Është njëfarë kundërvajtje penale, që i bjen se mund të dënohen ose do të ketë masa ndëshkuese varësisht prej rrezikshmërisë ose pasojave që kanë pasë deputetët”, tha ai.
Ai theksoi se ka kohë që deputetëve iu është hequr imuniteti penal.
“Është konstatuar se imuniteti penal nuk do të jetë më për deputetët dhe është trend evropian, për shkak se konsiderohet se deputeti është i përgatitur në aspektin intelektual dhe njerëzor që të ketë imunitetin e brendshëm”, tha Kryeziu./RTV21
