Gazetari Vehbi Kajtazi ka reaguar pas publikimit të pjesës së dytë të përgjimeve të Mimoza Kusari-Lilës – shefes së deputetëve të VV-së – me Sllavko Simiqin e Listës Serbe, shkruan Paparaci.
Kajtazi përmes një postimi në llogarinë e tij në Facebook ka ironizuar me videon e publkikuar nga LVV-ja.
Partia në pushtet sot ka publikuar një video duke i fajësuar pushtetet e kaluara për “amnistimin e kriminelëve serb”.
Lidhur me këtë gazetari Kajtazi i është drejtuar Kusari-Lilës “shumë të mirë e pati partia jote videomontazhin”.
Në pjesën e dytë të përgjimeve e cila është publikuar sot, del në pah se shefja e Grupit Parlamentar të Lëvizjes Vetëvendosje Mimoza Kusari-Lila ka folur pesë herë me Millan Radoiciq.
