Ish-ambasadorja dhe ish-deputetja Alma Lama, ka treguar detaje për presionit që i bëheshin asaj dhe deputetëve të VV-së sa ishte pjesë e kësaj partie.
Lama në rrjete sociale pas përgjimeve të publikuara nga Nacionale, ka treguar se Albin Kurti iu bënte presion të mos përshëndeteshin me kolegët e partive shqiptare.
Kjo sipas saj, ishte metodë staliniste. Lama ka shkruar se “nuk paska problem bashkëpunimi me serbët”, duke aluduar në bisedën e Kusari-Lilës me Slavko Simiqin.
Postimi i plotë:
Kur isha ne VV kishim direktiva dhe presion te jashtezakonshem nga AK qe mos te flisnim e pershendeteshim me kolege deputete te partive te tjera shqiptare.
Mua me dukej marrezi kjo, si ne aspektin njerezor, ashtu edhe ne aspektin profesional pasi bashkepunimin ne Kuvend per cdo iniciative eshte i nevojshem dhe i pashmangshem. Per nje pershendetje kolegiale ata me metoda staliniste ishin gati te te shpallnin publikisht pjese te SHIK-ut etj etj.
Por dje na u deshmua me ze e figure se VV nuk e paska problem bashkepunimin me serbet, madje edhe kur ata jane kriminele te njohur te shpallur ne kerkim nga drejtesia.
Mashtrimi ka emer!!!
