Një kompani kineze, që është nga agjencitë më të mëdha të udhëtimeve në botë, do të subvencionojë me 138 milionë dollarë, 32.000 punonjësit për ti inkurajuar që të lindin fëmijë.
Sipas planit të Trip.com, punëtorët që kanë qenë me kompaninë për të paktën tre vjet do të marrin një bonus vjetor prej 1,376 dollarë për çdo fëmijë të porsalindur.
Bonusi do të merret për çdo vit që nga ditëlindja e parë e fëmijës derisa të mbushin moshën pesë vjeç, me politikën e re që hyri në fuqi të shtunën e kaluar.
“Përmes prezantimit të këtij përfitimi të ri për kujdesin ndaj fëmijëve, ne synojmë të ofrojmë mbështetje financiare që do të inkurajojë punonjësit tanë të fillojnë ose të rrisin familjet e tyre pa kompromentuar qëllimet dhe arritjet e tyre profesionale,” tha në një deklaratë të premten kryetari ekzekutiv i Trip.com, James Liang.
Njoftimi i Trip.com pason nisma të ngjashme nga kompani më të vogla kineze dhe vjen pasi vendi po përballet me një krizë demografike.
Edhe pse kombi i dytë më i populluar, Kinës popullsia iu tkurr në vitin 2022. Për herë të parë në më shumë se 60 vjet, pati vetëm 6.77 lindje për 1000 njerëz – shkalla më e ulët e lindjeve që nga themelimi i Kinës komuniste në vitin 1949.
Pekini po ashtu shfuqizoi ligjin historik “një fëmijë për familje” në 2015, duke lejuar fillimisht çiftet e martuara të kishin dy fëmijë. Por pas një rritjeje të shkurtër në vitin 2016, niveli kombëtar i lindjeve ka vazhduar të bjerë.
Çështja është një shqetësim kyç për politikëbërësit, pasi mund të ketë implikime të thella për vendin. Ai shton problemin e një popullsie në plakje, mund të ndikojë në rritjen ekonomike dhe të zvogëlojë të ardhurat nga taksat dhe kontributet në një sistem pensionesh që tashmë është i sforcuar.
