Ministri i Mbrojtjes, Armend Mehaj, ka thënë se ndërhyrja e FSK-së nuk është e nevojshme pas reshjeve të sotme të shiut në vend.
Ai njoftoi se ka telefonuar kryetarin e Rahovecit Smajl Latifi e atë të Prishtinës, Përparim Rama.
“Fatmirësisht gjendja është e qetë dhe nuk ka vërshime të mëdha rrjedhimisht ndërhyrja jonë nuk është e nevojshme sipas kryetarëve të dy komunave”, tha Mehaj.
Tutje, Mehaj tha se vërshimet kohët e fundit janë bërë të shpeshta dhe gatishmëria e FSK-së është gjithnjë në nivel.
