Artistët e njohur, Yll Limani dhe Dafina Zeqiri, vetëm dy ditë më parë sollën bashkëpunimin e tyre të dytë.
Kaje” mban titullin kënga e tyre, të cilën e kompletuan mjaft mirë edhe nga ana vizuale.
Dhe ky projekt u prit jashtëzakonisht mirë nga publiku pasi vetëm për këtë kohë të shkurtër mblodhi dy milionë klikime.
Kjo është parë edhe nga reagimet e publikut, komentet e të cilëve kanë qenë kryesisht pozitive.
Dafina dhe Ylli ndërkaq janë dy nga zërat më të pëlqyer e më të vlerësuar në estradë.
Veç kësaj, ata janë shumë të angazhuar edhe me mbrëmje e koncerte anë e mbanë trojeve shqiptare.
Kujtojmë që të njëjtit realizuan një duet të suksesshëm edhe dy vite më parë të quajtur, “Mos shko”.
