Joao Cancelo dhe Dalay Blind nuk do të jenë pjesë e Bayern Munchen për sezonin e ardhshëm.
Lajmin e ka bërë të ditur klubi bavarez përmes faqes zyrtare, shkruan IndeksOnline.
“Faleminderit për përpjekjet tuaja në FC Bayern , João Cancelo dhe Daley Blind”, shkruhet në njoftimin e klubit gjerman.
Blind që nga transferimi i tij si futbollist i lirë në muajin janar, ka zhvilluar vetëm katër ndeshje me Bayern Munchen, ndërsa Cancelo ishte i huazuar nga Manchester City, ku ka zhvilluar 19 ndeshje në të gjitha garat, duke shënuar një gol dhe ka bërë 5 asistime.
