Presidentja e Kosovës, Vjosa Osmani po merr pjesë në Samitin e Procesit të vendeve të Evropës Juglindore.
Ajo ka thënë se është aty për t’i rikonfirmuar përpjekjet e vazhdueshme të Kosovës për paqe dhe stabilitet dhe për angazhim për të ardhme në institucionet euroatlantike.
“Përgëzoj Malin e Zi dhe Presidentin Jakov Milatović për kryesimin e suksesshëm të Procesit të sivjetëm të bashkëpunimit të Evropës Juglindore.”, ka thënë Osmani.
Ky është postimi i saj:
Krahas liderëve dhe përfaqësuesve të tjerë të Evropës Juglindore, jam në Podgoricë për t’i rikonfirmuar përpjekjet e vazhdueshme të Kosovës për paqe dhe stabilitet të qëndrueshëm, si dhe angazhimin tonë për një të ardhme më të sigurtë brenda institucioneve euroatlantike.
Përgëzoj Malin e Zi dhe Presidentin Jakov Milatović për kryesimin e suksesshëm të Procesit të sivjetëm të bashkëpunimit të Evropës Juglindore./Paparaci.com/
