Kryeministri i Malit të Zi, Dritan Abazoviq, ka vlerësuar Turqinë si një “vend kyç” në Ballkanin Perëndimor dhe tha se roli ndërmjetësues i vendit midis Kosovës dhe Serbisë ishte “shumë i rëndësishëm”.
“Presidenti (Turk) (Recep Tayyip) Erdogan është një udhëheqës që mund të bindë palët e trazuara në Ballkan të vijnë në tryezë dhe të gjejnë zgjidhje të qëndrueshme për problemet në rajon”, tha Abazoviq ndërsa ndoqi një forum në Stamboll të dielën, raporton TRT.
“Unë mendoj se roli ndërmjetësues i Turqisë në tensionin midis Kosovës dhe Serbisë është shumë i rëndësishëm”, u tha ai gazetarëve gjatë Forumit Rinor të Bashkëpunimit Islamik, transmeton Klankosova.tv.
Si një “superfuqi”, Turqia mban marrëdhënie miqësore me të gjithë botën, tha Abazoviq, duke shtuar se të gjithë hapat që do të ndërmarrë Turqia në diplomacinë globale janë të vlefshëm si për vendet e rajonit ashtu edhe për Ballkanin.
Kryeministri malazez theksoi gjithashtu se Turqia ka filluar të luajë një rol efektiv në Ballkan po aq sa në Bashkimin Evropian dhe SHBA.
“Shpresoj se presidenti Erdogan do të përfshihet më shumë në problemet në Ballkan. Kjo është jashtëzakonisht e rëndësishme për sigurimin e paqes dhe stabilitetit në rajon”.
Abazoviq: Roli ndërmjetësues i Turqisë midis Kosovës e Serbisë, shumë i rëndësishëm
