Këngëtarja e njohur shqiptare, Linda Halimi, prej më shumë se një dekade la Kosovën për t’u shpërngulur në Shtetet e Bashkuara të Amerikës.
Gjatë jetesës në Kosovë, Linda ka vuajtur nga obeziteti, pasi ka qenë shumë në peshë.
Megjithatë me kalimin e viteve, ajo ndryshoi rrënjësisht duke vendosur që jo vetëm të largonte kilogramët e tepërt, por edhe të ndërtonte një trup me muskuj.
Fillimisht ajo hapi një qendër dobësimi në Prishtinë para se të largohej, gjersa me t’u shpërngulur në Amerikë – Lidna punoi për pak kohë si trajnere e fitnesit në një palestër atje.
Tani ajo është një nga femrat shembull se si duhet dobësuar dhe tonifikuar trupin.
Në një postim të bërë së fundmi në rrjetin social Instagram, këngëtarja e hitit “Pa t’pa”, ka krahasuar një fotografi të sajën të dikurshme me atë se si duket sot.
“Nga një vajzë e vogël e pafajshme që ishte shumë e pasigurt dhe mbipeshë në një egërsirë të rritur që ka kapërcyer gjithçka që i thanë se nuk mund ta kapërcente”, ka shkruar Halimi në mbishkrimin e kësaj videoje.
Si rrjedhojë, edhe komentet mbështetëse të fansave të saj të shumtë, nuk kanë munguar.
