Drejtoria e Kulturës e Komunës së Prishtinës bazuar në politikat e saj programore ka planifikuar që në bashkëpunim me Hortikulturën të shënojë 21 marsin, ditën e Pranverës.
Aktivitetet që planifikohen të realizohen në këtë ditë fillojnë me një performancë nga ansambli “Bajram Curri” si dhe mbjellja e luleve dhe fidanëve nga të rinjtë e Kryeqytetit, në Parkun e qytetit.
Aktiviteti do të vazhdoj me mbjelljen e luleve dhe fidanëve nga nxënësit e shkollës fillore Naim Frashëri.
Në fund në sheshin Nëna Terezë do të mbahet një performancë nga ansambli “Prishtina Brass “, mbjellja e luleve dhe fidanëve nga të rinjtë e Kryeqytetit, pikturim nga të rinjtë e Qendrës Rinore si dhe performancës e kitaristëve nga shkolla e muzikës “Prenk Jakova” dhe SH.K.A “Bajram Curri”.
