Ish-banorja e shtëpisë së “Big Brother Vip Kosova”, Juliana Nura vazhdon të komentohet edhe pas daljes nga shtëpia më e famshme në Kosovë.
Xhuli është mjaft aktive në rrjete sociale ku ndan me ndjekësit imazhe nga jeta e saj ku rutina e ushtrimeve ka qenë e pashmangshme nga ajo.
Por, prej disa ditësh, kjo gjë po mungon në profilet e Xhulit dhe kjo nuk ka kaluar pa u vënë re nga ndjekësit.
Këtyre të fundit, Juli iu ka dhënë një shpjegim, duke bërë të ditur se bëhet fjalë për shqetësime shëndetësore.
“Rutina e ecjes së mëngjesit. Shumë prej jush më keni pyetur përse s’kam bërë gym apo pse se kam promovuar fitnessin. Arsyeja është sepse kam pasur disa probleme me zemrën dhe kam qenë në spital për të parë se si të rregullohet ky problem dhe nëse më duhet një operim”, është shprehur ajo.
