Mbrëmë në aksin rrugor Shkup – Bllacë, ka ndodhur një aksident me ç’rast një familje nga Kosova ka rënë në lumin Lepenc.
Ministri Sveçla ka njoftuar se aktualisht ndodhen 30 pjesëtarë të Policisë së Kosovës, Forcës së Sigurisë së Kosovës dhe vullnetarë profesionistë të kërkim shpëtimit, të cilët në koordinim dhe bashkëveprim me ekipet profesionale të Maqedonisë së Veriut janë duke e bërë maksimumin e tyre në lokalizimin dhe nxjerrjen e personave nga lumi.
Edhe Drejtori i Policisë së Kosovës, Gazmend Hoxha ka shkuar në vend të ngjarjes në lumin Lepenc.
Fatkeqësisht deri më tash nuk ka asnjë rezultat nga kërkimet.
