Ambasadori i Bashkimit Evropian në Kosovë, Tomas Szunyog ka dënuar fuqishëm sulmet ndaj gazetarëve në Leposaviq.
Përmes një postimi në Twitter, Szunyog thotë se gazetarëve duhet t’u lejohet të punojnë në mjedis të sigurt.
Ambasadori evropian u ka uruar shërim të shpejt të lënduarve.
“I dënoj fuqishëm sulmet ndaj ekipeve të RTK dhe Tëvë1. Akte të tilla të tmerrshme dhune janë të papranueshme. Gazetarët duhet të lejohen të bëjnë punën e tyre në një mjedis të sigurt. Të lënduarve u uroj shërim të shpejtë!” ka thënë ambasadori Szunyog.
