Kosova do të ballafaqohet nesër me Rumaninë në një sfidë vendimtare sa i përket rrugës drejt kualifikimit për në Kampionatin Evropian Euro 2024.
Në stadiumin “Fadil Vokrri” të përzgjedhur e Alain Giresses do të luajnë vetëm për fitore, derisa do ta kenë mbështetjen e madhe të tifozëve pasi mësohet se tashmë janë shitur të gjitha biletat që ishin ne dispozicion nga ana e Federatës së Futbollit të Kosovës.
Por, në tribuna do të ketë edhe tifoz romun. Gazeta romune “GSP” raporton se një numër prej rreth 100 tifozëve do të udhëtojnë në Prishtinë për ta mbështetur skuadrën e tyre.
Kosova të premten do të përballet me Rumaninë në kuadër të ndeshjeve kualifikuese për Kampionatin Evropian “Euro 2024”.
Kosova ndodhet në Grupin I, ku poziconohet në pozitën e tretë në tabelë me vetëm dy pikë, nga dy ndeshje të zhvilluara.
Për “Dardanët” e domosdoshme është vetëm fitorja në rast të synimit për një vend në Evropian.
Përpos me Rumaninë, Kosova do të përballet edhe me Bjellorusinë. Ndeshja ndaj tyre do të zhvillohet të hënë në Hungari.
