Kryeministri i Kosovës, Isa Mustafa, ka zbuluar detaje nga pjesëmarrja e tij në samitin e kryeministrave të Ballkanit Perëndimor në Sarajevë.
Mustafa ka shpjeguar rëndësinë e pjesëmarrjes së Kosovës në këtë samit, si dhe folur për përplasjen e raportuar në media ndërmjet tij dhe homologut të tij serb, Aleksandar Vuçiq.
Ai ka thënë për RTK se Vuçiq ka hapur disa çështje të cilat nuk i takojnë atij, duke përmendur çështjen e transforimit të FSK-së në ushtri dhe çështjen e pronave të Kosovës.
Mustafa ka vlerësuar se deklaratat e fundit nga Vuçiq dhe figurat e tjera serbe po bëhen vetëm për fushatë.
