Ministri i Bujqësisë, Faton Peci, ka thënë se ka parë tendencë për tjetërsimin e tokave bujqësore, të cilën ka thënë se nuk do ta lejoj.
Përmes një statusi në Facebook, Peci ka shkruar se ka parë nga afër disa nga tokat nëpër Kosovë të cilët po tentohet të tjetërsohen nga komunat.
“Po shoh tendencë nga ana e Komunave pa përjashtim që në kuadër të Planeve Zhvillimore Komunale të bëjnë veprime për tjetërsim të tokës bujqësore.
Sot pashë nga afër disa nga këto toka. Si Ministër i Bujqësisë, do të angazhohem maksimalisht në mbrojtje të tokës bujqësore.
Si shtet, angazhimi ynë duhet të fokusohet fillimisht në sigurinë ushqimore dhe sigurimin e ushqimit; krahas mundësive për zhvillim të sektorëve dhe industrive të tjera”, ka shkruar Peci.
