Lideri i Lëvizjes së Qendrës Serbe (SRCE), Zdravko Ponosh, ka vlerësuar se konflikti me KFOR-in është gjëja e fundit që i duhet Serbisë në këtë moment dhe se detyra e Beogradit është që urgjentisht të rivendosë marrëdhëniet e besimit me KFOR-in.
“KFOR-i nuk ka marrë vendim që serbët t’i braktisin institucionet e Kosovës e as të bojkotojnë zgjedhjet”, ka thënë Ponosh në një intervistë për gazetën serbe Nova.
I pyetur për qëndrimin për formimin e qeverisë teknike kalimtare në Serbi, Ponosh ka thënë se presidenti serb, Aleksandar Vuçiq, e sheh atë si tërheqje të siguresës nga mbijetesa e tij në pushtet.
“Përndryshe vetëm Vuçiq ka reaguar me nervozizëm ndaj kërkesës sime për një qeveri tranzicionale. Ai e di se kjo është tërheqje e siguresës nga mbijetesa e tij në pushtet bazuar në parandalimin e zgjedhjeve të rregullta. Qeveria teknike kalimtare duhet të sigurojë një tranzicion paqësor nga arbitrariteti i tij në normalitet, i cili do të fillonte me një organizim të zgjedhjeve të para të rregullta pas vitit 2012”, ka thënë Ponosh./Paparaci.com
