Oliver Kahn dhe Hasan Salihamidzic janë shkarkuar nga Bayern Munichu, pavarësisht se skuadra e fitoi titullin e kampionit të këtij sezoni në Bundesliga, bënë të ditur “BILD”.
Thuhej se Oliver Kahn mungoi për ndeshjen e sotme ndaj Kolnit për shkak se ishte i sëmurë, por sipas informacioneve të “Bild” kjo është vetëm gjysma e të vërtetës.
Bëhet e ditur se Kahn dhe drejtori sportiv, Hasan Salihamidzic nuk do të jenë më pjesë e Bayern Munichut, pasi që thuhet se ka pasur një mbledhje emergjente të krerëve të klubit.
Vendimi për Kahn ishte marrë pavarësisht rezultatit të garës për titullin e kampionit në Bundesliga. Komunikata zyrtare nga klubi pritet sot.
Pasuesi i Kahn në rolin e drejtorit ekzekutiv të klubit do të jetë 55 vjeçari, Jan-Christian Dreesen.
