Rusia e ka akuzuar Japoninë për “spekulime cinike dhe të paskrupullta” lidhur me komentet e Tokios për kërcënimin bërthamor që paraqet Moska.
Kryesekretari i kabinetit Hirokazu Matsuno dënoi planin e Rusisë për të vendosur armë taktike bërthamore në Bjellorusi, duke thënë se kjo do ta ndezë më tej situatën.
“Dëshira për t’ia atribuuar Rusisë synimin jo të qartë për të përdorur armë bërthamore në lidhje me ngjarjet në Ukrainë, nuk është gjë tjetër veçse spekulime cinike dhe të paskrupullta”, tha Ministria e Jashtme e Rusisë.
