Kreu i ekzekutivit kosovar, Albin Kurti sot ka pritur në një takim ministrin e shtetit për Forcat e Armatosura të Mbretërisë së Bashkuar, James Heappey.
Marrëdhëniet e shkëlqyera mes dy vendeve, ishte një prej temave kryesore, ndërsa palët diskutuan mundësinë që bashkëpunimi të rritet, në veçanti në fushën e mbrojtjes.
Siç thuhet në komunikatë, i pari i qeverisë e falënderoi Heappeyn për mbështetjen e vazhdueshme.
Ai e njoftoi ministrin Heappey me progresin e Kosovës në këto dy vite qeverisje, duke theksuar se Kosova ka bërë rritje të shënuar ekonomike si për nga rritja e GDP-së, po ashtu edhe e investimeve dhe rritjes së të hyrave.
