Thiago Silva nuk do të largohet nga Chelsea.
Mbrojtësi brazilian ka shuar spekulimet për një largim të mundshëm nga klubi londinez, shkruan IndeksOnline.
Silva ditëve të fundit është lidhur me një rikthim te ish-klubi i tij, Fluminenese, gjë që u mohuar nga 38-vjeçari.
“Nuk ka asgjë mes meje dhe Fluminense tani. E kam zgjatur kontratën sepse dua të qëndroj te Chelsea.
Madje i thashë gruas sime se nuk di asgjë për këto thashetheme për një takim me bordin e Fluminenses. Gjithmonë i kam respektuar kontratat e mia”, ka deklaruar Thiago Silva për ESPN.
