Ministrja e Drejtësisë, Dhurata Hoxha, ka pranuar ftesën e homologut të saj dhe ka udhëtuar për në Gjermani ku do të zhvilloj një vizitë zyrtare në Ministrinë e Drejtësisë.
Hoxha do të pritet në takim nga ministri federal i Drejtësisë, Heiko Maas, dhe me këtë rast do të trajtohen çështja e bashkëpunimit juridik ndërkombëtar, bashkëpunim në fushën e legjislacionit, mbështetja e drejtësisë për fuqizimin e sundimit të ligjit dhe realizimi i agjendës euro-integruese të Kosovës.
Gjatë kësaj vizite, ministrja Dhurata Hoxha pritet të takojë edhe personalitete tjera, deputetë të Bundestagut, anëtar të Qeverisë federale dhe ekspertë ligjorë.
