Presidenti i Serbisë, Aleksandar Vuçiq, tha se deri më tani janë dorëzuar mbi 3 mijë armë dhe dhjetëra mijëra fishekë të kalibrave të ndryshëm, duke shtuar se ky është një lajm i mirë.
Ai i tha televizionit serb Pink se ishte e rëndësishme për Serbinë, edhe pse siç thotë, e dinte që shumë njerëz do të zemëroheshin për këtë veprim.
“Ne siguruam një prani të madhe të policëve në shkollë dhe reagimet janë pozitive, si nga prindërit ashtu edhe nga mësuesit. Mësuesit tani do të kenë të drejta më të mëdha, fëmijët nuk do të mund të rrëshqasin nga karriget e tyre, të sillen si ngacmues” ai tha.
