Pas më shumë se dy vite qeverisje, Kurti sot emëroi një zv.ministër të ri në Arsim, Taulant Kelmendin. Me profesion inxhinier, Kelmendi është zgjedhur edhe kryetar i Qendrës në Pejë në Lëvizjen Vetëvendosje në shtator të vitit 2022, më parë kishte qenë koordinator i partisë në këtë komunë.
Në profilin e tij në Facebook figuron se Taulant Kelmendi është edhe anëtar i Këshillit të Përgjithshëm në Lëvizjen Vetëvendosje. Si dhe herë pas here shpërndan aktivitet e partisë edhe në Facebook-un e tij.
Kryeministri Kurti, apo të paktën zyra e tij, nuk ka dhënë më shumë detaje rreth arsyeve të emërimit të Kelmendit si zv.ministër, por të njëjtit kryeministri “vetëm i ka dëshiruar suksese”.
Emërimi i tij vije disa muaj pas dorëheqjes që dha nga kjo pozitë eksperti i Arsimit, Dukagjin Pupovci.
Ai kishte deklaruar se arsyet e dorëheqjes janë të natyrës personale dhe këtë ia kishte komunikuar edhe ministres Nagavci e kryeministrit Kurti.
