Shefi i Grupit Parlamentar të AAK-së, Pal Lekaj i është përgjigjur kryeministrit Isa Mustafa i cili ka bërë thirrje që të votohet demarkacionit pas deklaratave të Shefës së BE-së për politikë të jashtme, Federica Mogherini se demarkacioni është kushti i vetëm për liberalizimin e vizave.
Postimi i plotë:
Kryeministër e patë rastin, por zgjodhe të kundërtën e asaj që Kosova ka nevojë.
Ashtu siç po thuhet se “Mogherini hoqi çdo dilemë” (për demarkacionin), nga disa dashakeqës të Kosovës që si prioritet të vetëm e kanë shpëtimin e vetvetes. Edhe protestat e shumta e nënshkrimet e mbi 200 mijë qytetarëve të Kosovës kundër demarkacionit e kanë hequr çdo dilemë se qeveria e Kosovës e komisionet e saj të njëpasnjëshme mision të vetëm e kanë patur cenimin e integritetit territorial dhe prandaj nuk heqim dorë nga e drejta jonë për ta mbrojtur tokën e Kosovës dhe bindja jonë e faktuar është se versioni i tanishëm është i dëmshëm.
Kundërshtimi do të vazhdojë…
Kosova e trojet shqiptare kanë pësuar mjaftë.
Është koha e ndryshimit të mentaletit qeverisës për Kosovën, sa ma parë të ndodhë kjo aq ma e lehtë do të bëhet mbrojtja e vendit.
