Sot, në Gjakovë do të kujtohet 24-vjetori i “Epopesë së Çabratit”, në të cilën për lirinë e Kosovës janë flijuar dhjetëra dëshmorë e martirë të kombit.
Datat 7, 8 dhe 9 maj të vitit 1999, për shumë nga qytetarët e Gjakovës, që atëherë kanë qenë në qytet, do të kujtojnë momentet e luftimeve të ashpra mes forcave të UÇK-së dhe policisë, ushtrisë dhe paramilitarëve serbë.
Kjo betejë ka qenë e rëndësishme për faktin se misioni i luftëtarëve të lirisë ka qenë mbrojtja e mijëra civilëve në qytetin e Gjakovës.
Në këtë betejë kanë rënë shtatë dëshmorë dhe 41 civilë. Po ashtu, më 7-8 maj janë rrëmbyer dhe zhdukur 43 qytetarë të kësaj lagjeje./KosovaPress/
