Kryetari i Kuvendit, Glauk Konjufca, bëri një gabim derisa hodhi në votim një projektligj. Por, që ky gabim i konvenoi deputetëve të pozitës, të cilët e duartrokiten duke qeshur.
Duke dashur të thotë se kush është kundër Projektligjit për Investime të Qëndrueshme, Konjufca pyeti “kush është kundër investimeve”.
Për këtë një protestë i erdhi nga deputetja e PDK’së Ganimete Musliu, për të cilën Konjufca pat një përgjigje.
“Gabon njeri Gane”, tha kryeparlamentari.
Sidoqoftë, ky projektligj kaloi me votat e mazhorancës, derisa opozita s’votoi.
“61 deputetë votuan, asnjë votë kundër, asnjë abstenim”, njoftoi Konjufca.
