Musa Dragaj ka folur për zhvillimet e ndodhura gjatë kohës së luftës që ndërlidhen me raportet në mes të UÇK-së dhe FARK-ut.
Sipas Dragajt, ushtarët e Tahir Zemajt e kishin ndihmuar dhe shpëtuar Enver Haradinajn pasi ishte plagosur, meqë pretendon se ushtarët e Ramush Haradinajt e kishin lënë atë meqë ishin lodhur.
“Këta dy i kanë lënë këta para se me mrri afër qafës malit, e kanë lanë Enverin dhe bashkëluftarin tjetër që kanë qenë të plagosur. I kanë lënë, se edhe ata janë kanë të lodhur, ka qenë mas ditës tretë kjo që po të shpjegoj. I kam rreshtu ushtarët e brigadës tem në rresht për dy, mas meje. Katër të parët e marrin Enveri, vëllain e Ramushit, katër të dytit e marrin këtë tjetrin të plagosurin”, ka thënë Dragaj.
