Ministri i Punëve të Brendshme, Xhelal Sveçla, ka deklaruar se asnjë nga ish-policët që zhveshën uniformat e policisë në veri, nuk do të mund të kthehen në vendin e punës.
Sveçla tha se ndonjë që është nën moshën 30 vjeç dhe nuk ka të kaluar kriminale mund të jetë pjesë e konkurseve për polic, por në asnjë mënyrë ata që kanë të kaluar kriminale.
Sveçla, në një intervistë për Radio Televizionin e Kosovës, tha se do t’u përgjigjen të gjitha kërcënimeve që vijnë nga Serbia dhe grupet kriminale në pjesën veriore të Kosovës pas zgjedhjeve në katër komunat veriore.
Ai shtoi se kërcënimi dhe shantazhi i Serbisë ka shkuar deri në atë shkallë sa që presidenti i Serbisë, Aleksandër Vuçiq, kishte deklaruar se ka një listë më serbët të cilët do të arrestoheshin posa që kalojnë në Serbi nëse marrin pjesë në zgjedhje.
