Kryetari i komunës së Drenasit, Ramiz Lladrovci, bashkë me asamblistët e të gjitha partive dhe drejtorët e drejtorive, ka vizituar për festën e Bajramit, familjen Thaçi dhe Veseli.
Kontribuesit e lirisë dhe luftës tonë çlirimtare, kurrë nuk janë vetëm, ka deklaruar Lladrovci.
Postimi i plotë i tij:
Në Burojë, me asamblistë e drejtorë, vizituam Bacën Haxhi, për ta uruar për festën e Bajramit dhe shprehjen e solidaritetit për gjendjen që po kalon ai me mungesën e birit të tij, Hashimit.Po ashtu, në Mitrovicë, vizituam familjen Veseli, për ta uruar për Bajram dhe për të theksuar se bashkëndjejmë me ta mungesën fizike të Kadriut.Besoj fort se nga kjo betejë e fundit për të vërtetën tonë për çlirim, do të dalë fituese Kosova dhe UÇK, bashkë me heronjtë tanë të luftës dhe paqes.Kontribuesit e lirisë dhe luftës tonë çlirimtare, kurrë nuk janë vetëm!
