Kreu i Grupit Parlamentar të Lidhjes Demokratike të Kosovës, Arben Gashi ka ironizuar me kryeministrin Kurti, pas arrestimit të vartësit të këtij të fundit, Nagip Krasniqit.
Përmes një publikimi në rrjetin social “Facebook”, Gashi ka thënë se “iu ndalën dritat Albinit”.
Ky thumbim ndaj shefit të ekzekutivit nuk është i vetmi nga radhët e LDK-së. Edhe kreu i partisë opozitare, Lumir Abdixhiku, kishte hedhur kritika ndaj siç e quajti ai “mafisë energjetike”, ndërsa kishte shtuar se i gjithë ky “organizim” ishte që mos të prodhohej rrymë, e kështu të importohej.
