Korporata Energjetike e Kosovës ka reaguar në lidhje me kontrollet e Policisë së Kosovës, të mërkurën në këtë institucion, shkruan GazetaDemos.
Në njoftimin e KEK-ut thuhet se Policia nuk i ka dhënë asnjë informacion zyrtar këtij institucioni.
“Korporata Energjetike e Kosovës njofton opinionin se sot ka pas një kontrollë nga Policia e Kosovës dhe se nuk ka ndonjë informacion zyrtar rreth arsyeve të kësaj kontrolle”.
Njoftimi i plotë:
KEK-Njoftim
Korporata Energjetike e Kosovës njofton opinionin se sot ka pas një kontrollë nga Policia e Kosovës dhe se nuk ka ndonjë informacion zyrtar rreth arsyeve të kësaj kontrolle.
Lidhur me këtë, KEK si gjithmonë mbetet e hapur për bashkëpunim me organet e rendit dhe do të ofrojë qasje të plotë në cilëndo kërkesë nga këto organe.
Megjithatë, KEK mbetet në funksion të përmbushjes së interesit të përgjithshëm publik për prodhimin e energjisë dhe ofrimin e sigurisë së furnizimit me energji elektrike të qytetarëve të vendit.
KORPORATA ENERGJETIKE E KOSOVËS
