Barcelona thuhet se do të ketë prioritet një transferim gjatë verës për kapitenin e Manchester City, Ilkay Gundogan.
Reprezentuesi gjerman është në radarin e vazhdueshëm të Blaugranëve ndërsa ata kërkojnë përforcime në mesfushë përpara sezonit 2023/24.
Kontrata e Gundogan në Etihad Stadium skadon në qershor, pavarësisht rolit të tij si lider i kampionëve të Ligës Premier, me Barcelonën duke kontaktuar përfaqësuesit e tij për një lëvizje të mundshme.
Megjithatë, agjenti i tij dhe xhaxhai i tij, Ilhan, ka konfirmuar se asnjë marrëveshje nuk është rënë dakord, me sezonin në fokus të mesfushorit.
Situata pritet të evoluojë në muajt e ardhshëm dhe Fabrizio Romano ka thënë si pjesë e rubrikës së tij ekskluzive Substack, se Barcelona është gati të luftojë për 32-vjeçarin.
“Gundogan dëshiron të fokusohet në ndeshjet e fundit vendimtare me Cityn, duke ëndërruar për Ligën e Kampionëve, atëherë ai do t’ia komunikojë vendimin Cityt”.
“Barça e dëshiron atë si objektiv me prioritet”, ka thënë Romano.
Gundogan ka qenë një pasuri e madhe për Cityn, që nga ardhja e tij në klub në vitin 2016, me 293 paraqitje në të gjitha garat me klubin nga Etihad.
Ish-ylli i Borussia Dortmundit ka fituar katër tituj të Ligës në Mançester dhe ai mund të tundohet të largohet, nëse ata fitojnë Ligën e Kampionëve në qershor.
