Avionët luftarakë britanikë Typhoon kanë kapur dy avionë luftarakë rusë dhe një avion spiun që fluturonte afër hapësirës ajrore të NATO-s mbi Detin Baltik.
Në përgjimin e tre avionëve rusë mbi Gjirin e Finlandës, morën pjesë pilotët e Forcave Ajrore Mbretërore Britanike (RAF) dhe Forcave Ajrore Gjermane.
RAF ka njoftuar se një nga avionët rusë është identifikuar si një avion i inteligjencës që fluturoi nga kontinenti i Rusisë në enklavën e Kaliningradit, e cila ndodhet afër Polonisë.
“Ne shpesh shohim avionë ushtarakë rusë që fluturojnë mbi Detin Baltik, kështu që ky ishte një përgjim rutinë për ne. Megjithatë, rëndësia e përgjimit të këtyre avionëve dhe angazhimi ynë për mbrojtjen kolektive të hapësirës ajrore të NATO-s mbetet i palëkundur dhe i vendosur”, tha piloti i RAF, në një deklaratë në faqen e internetit të forcës./PrishtinaPress/
