Nëse konsumoni vetëm një filxhan kafe në ditë, mund të jetë koha për të shtuar sasinë. Sipas një studimi të botuar në European Journal of Preventive Cardiology, pirja e shumë filxhanë kafeve në ditë lidhet me një shëndet më të mirë të zemrës dhe një ulje të nivelit të vdekshmërisë.
Studimi 12.5-vjeçar hulumtoi ndikimin e kafesë në shëndetin e 449,563 të rriturve të moshës 40 deri në 69 vjeç, pa histori të problemeve kardiovaskulare.
Pjesëmarrësit e studimit u ndanë në grupe – njerëz që pinin zero filxhanë kafe çdo ditë, një filxhan, dy deri në tre filxhanë, katër deri në pesë filxhanë dhe më shumë se pesë filxhanë.
Studimi zbuloi se në përgjithësi, pirja e shumë filxhanëve me kafe përfiton shëndetin tuaj.
Së pari, njerëzit që pinin dy deri në tre filxhanë kafe të çastit, të bluar ose dekafeinato, përjetuan një rrezik më të ulët të vdekshmërisë krahasuar me njerëzit që nuk pinë kafe, transmeton gazeta “Kosova Sot Online”. Rënia më e madhe erdhi nga kafeja e bluar, e cila tregoi një rrezik 27% më të ulët të vdekjes. Kafeja dekafeinato uli rrezikun me 14% dhe kafja e çastit me 11%.
Më pas, një ulje e rrezikut të sëmundjeve kardiovaskulare u gjet te njerëzit që pinin dy deri në tre filxhanë kafe çdo ditë. Kafeja e bluar përsëri pati reduktimin më të lartë të rrezikut me 20%, e ndjekur nga kafeja e çastit me 9% dhe kafeja dekafeinato me 6%.
