Vajzat dhe gratë po vazhdojnë të jenë viktimat më të shpeshta të dhunës në familje, ngacmimeve e sulmeve seksuale.
Në shumë raste, viktima janë vajzat e mitura, të cilat keqpërdoren seksualisht nga persona të panjohur.
Një rast i tillë ka ndodhur dy ditë më parë në Obiliq, ku viktimë sërish është një vajzë e mitur.
Sinjali mëson se 13-vjeçarja e shoqëruar nga prindi i saj ka denoncuar rastin në Polici, ku ka rrëfyer gjithë ngjarjen.
Si rezultat i denoncimit, njësitë policore kanë marrë veprimet e nevojshme për të identifikuar personin e dyshuar.
Gjatë ditës së djeshme është arritur që i dyshuari të identifikohet dhe i njëjti është arrestuar dhe është shoqëruar në stacion policor.
Pas përfundimit të procedurave policore, Prokurori i Shtetit ka nxjerrë aktvendim që 55-vjeçarit t’i caktohet masa e ndalimit policor dhe i njëjti do të hetohet nën dyshimet për kryerjen e veprës penale ‘Sulm seksual’./PrishtinaPress/
