Një numër i madh i qytetarëve kanë marshuar sot në Prishtinë në mbështetje të të mbijetuarve të dhunës seksuale gjatë luftës së fundit në Kosovë.
Kjo u bë me rastin e Ditës së të mbijetuarve të dhunës seksuale gjatë luftës së fundit në Kosovë, që në shenjë solidarizimi me rreth 20 mijë persona të cilët vlerësohen se kanë qenë viktima të dhunës seksuale para 24 vjetësh, shënohet për herë të parë.
14 Prilli përkon me datën famëkeqe të vitit 1999 atëherë kur Vasfije Kraniqi-Goodman, në atë kohë 16 vjeç, u rrëmbye nga një polic serb dhe u dërgua në fshatin Babimost, ku u dhunua seksualisht./PrishtinaPress/
