Ministrja për Dialog në Qeverinë e Kosovës, Edita Tahiti ka ftuar publikisht deputetin e Kuvendit të Kosovës nga radhët e VV-së, Glauk Konjufca për të marrë pjesë në Organizatën Ndërkombëtare të Telekomunikacionit (ITU), për t’i larguar dyshimet rreth kodit telefonik, që sipas Tahirit i ka Konjufca.
“A po behësh pjesë e delegacionit tim edhe parashtrojë të gjitha këto pyetje të paqarta atje edhe e sqaron këtë çështje”, iu drejtua Tahiri, Konjufcës në transmeton live në RTK.
Tahiri tha se Vetëvendosja dhe Konjufca bazohen vetëm në një dokument të Aida Derguti kundër kodit, i cili është i pasakt.
Përkundër insistimit të Tahiri për Konjufcën se a do të jetë pjesë e ekipës së saj, ai ka hezituar për të dhënë përgjigje se a do të shkojë.
“Po shkojmë bashkë në ITU edhe nëse nuk del ndryshe do të japësh dorëheqje dhe e kundërta”, tha Tahiri.
Më pas Konjufca, i ka kërkuar Tahirit të vënë një bast.
“Nëse Kosova është titullare e këtij kodi unë do të jap dorëheqje, nëse është vetëm shfrytëzuese ti duhet të japësh dorëheqje”, ka thënë Konjufca.
Këtë e ka kundërshtuar Edita Tahiri. Ajo ka thënë se Kosova është pronare, e më pas ka thënë se është administratore e këtij kodi.
Konjufca për një qast ka thënë se është i gatshëm të shkoj atje, por ishte i binur në dorëheqjen e Tahirit, sepse sipas tij Tahiri nuk po e thotë të vërtetën.
