Sot është dita Ndërkombëtare e gjumit dhe shkencëtarët kanë disa këshilla si për përmirësimin e gjumit por edhe për rëndësinë e tij. Duket se cdo ditë dhe më shumë po bëhet akoma më e vështirë të bëjmë një gjumë të mirë.
Supozohet se njeriu duhet të bëjë 8 orë gjumë për të plotësuar të gjitha nevojat e tij, por fatkeqësisht shumica prej nesh nuk e plotësojnë këtë orar qoftë nga angazhimet që kemi, qoftë nga çrregullimet e gjumit. Gjumi është shumë i rëndësishëm dhe ka një ndikim të drejtpërdrejtë në organizmin tonë duke na ndihmuar të humbasim peshë, përmirëson kujtimet tona, si dhe na bën më të lumtur.
Ja cfarë na sygjerojnë shkencëtarët për të përmirësuar gjumin sipas The Independent:
1.Nëse ngrihesh me dhimbje shpatulle, provo të përqafosh një jastëk kur të flesh gjumë.
2.Të flesh përmbys nuk është gjithmonë një zgjidhje e mirë nëse ke dhimbje përsëri, vendos një jastëk në mes të këmbëve për tu ndjerë më rehat .
3. Nëse gërrhisni dhe nuk dini si ta parandaloni provojeni duke mos fjetur më me shpinë.
4. Shkencëtarët nuk janë të sigurt se cfarë e krijon gjatë natës kontraktimin e muskujve që përgjithësisht lidhet me lodhjen e muskujve dhe ngacmimin e nervave por masazhi në zonat e kontraktuara mund t’ju ndihmojë .
5. Për të bërë një gjumë të mirë trupi duhet të jetë i freskët.
